HELGARMARTRÖÐIN !!!

Ég veit að ég skrifaði ekki als fyrir löngu að ég ætlaði sko ekkert að drekka um helgina, að ég væri komin með ógeð af því. Það er líka deginum sannara. En samt sem áður fór ég niðrí bæ báða dagana, föstudag og laugardag...Ég var edrú á föstudeginum samt (Já þetta á ég til :), fékk mér bara einsog tvo drykki. En á laugardeginum var ég alveg ágætleg létt... En sjit bærinn er ömurlegur-kannski er það bara einhver tímabundin skoðun hjá mér en samt spáið í því... Allir PISS fullir, hafiði farið edrú niðrí bæ. Sko sumir eru blautir af svita, búnir að sulla bjór yfir hvítu skyrtuna og jafnvel ælt smá á skóna...En það virðist samt ekki stoppa þá í að húkka upp einhverjar álíka sóðalegar "gellur".  Æ svo hittir maður aragrúa af fólki sem maður kannast við eða þekkti þegar maður var lítill eða einhvað ... Og þetta fólk heilsar manni einsog við höfum verið aðskilin í tugi ára, þetta fólk sem maður eiginlega þekkti aldrei neitt þannig... Það sem fólki dettur í hug (Sem minnir mig nú doldið á "ég elskaði þig" gaurinn....þið vitið hvað ég er að fara sem kannsist við...) Já veit ekki, Það var alltaf svo gaman að djamma og einhvað en núna bara líður mér illa þegar ég fer í bæinn-bara það sem fólki dettur í hug að segja og gera, mælirinn er orðinn doldið fullur núna... Mig langar samt heavy að djúsa í rétta gírnum. Fara í útilegu með góðra vina hóp (en ekki á þjóðhátíð þar sem allur sori Íslands er á sama stað í einu-(og ábyggilega líka gullmolarnir en aukaatriði)), eða bústaðaferð-Bara einhvað gaman. Ég á afmæli næsta miðvikudag (28.júlí) og veit ekki hvort ég geri mér einhvað glaðan dag þá... Kíki kannski í Rvk á laugardaginn (þetta er sko verzlunarmannahelgin) eða einhvað ... veit ekki hvernig það verður...Ætti kannski bara að klára djammtímabilið í júlí og taka pásuna í næsta mánuði...Þrátt fyri að ég sé komin með svona mikið ógeð, þá þætti mér örugglega ekkert skemmtilegra að detta ekkert í það í tilefni af afmælinu mínu... Já sumum ferst að tala og áður en ég verð ein af þeim ætla ég að hætta ;)

|Diljá Depp|mánudagur, júlí 26, 2004| |

Mér finnst alveg merkilegt þegar fólk skilur bara ekki hver vegna í  ósköpunum það má ekki framvísa og nota annarra manna kort ! Mæður senda stundum börnin með kortið sitt !!! Ég bara botna þetta ekki.
Svo út í aðra sálma þá held ég að maðurinn sem fékk skorpulifar af því að borða bara McDonald's hafi borðað e-ðextra óhollan McDonalds. Ég allavega er búin að borða mjög mikið af McDonald's uppá síðkastið og hefur sjaldan liðið betur. Það er náttúrulega spurning um að fá sér kjúklingaborgara og stundum  appelsínusafa eða sjeik að drekka með- Efast um að með þeim hætti gæti maður fengið skorpulifur á einum mánuði... MMmmmm hvað ég er geðveikt að fara á McDonald's á eftir :)
Já já ég bara í góðum gír, fer að vinna klukkan sex á Tapas en þangað til ætla ég að dekra soldið við bilinn minn, bera vinyl innaná og þrífann að utan og svona-Held ég bíði samt með að bóna bílinn- Á leiðinn heim úr vinnunni í gær,svona rúmleg 1, þá tók ég mig til og stoppaði á bensínstöð og ryksugaði drusluna. Já það er ekki nóg með að Bjarni bróðir minn sé búinn að skemma púströrið og sprengja ljósin (öll ljósin) heldur hefur bíllinn aldrei verið eins skítugur að innan-sjit... ég er oft með mikið af rusli í bílnum en þetta eru óhreinindi...
Það var búið að hella bjór í hliðarhólfið afturí og bara látið liggja þar svo var popp ALLS STAÐA-sko einsog hann hefði lent í bílveltu með stórum ruslapoka af poppi, það er í sætum og gólfum allan hringinn og í hliðarhólfum og ég veit ekki hvað og hvað. Það er naumast að hann hefur farið vel með bílinn minn! Síðan er allt klístrað (af einhverju sem ég veit ekki hvað er) á milli framsæta og gírstangar. sko VIBBI og ég veit ekki hvernig ég kemst að til að þrífa það...
 
En nóg um hann Sebastian hvað segið þið gott ? Ég er bara hætt að djamma...Bara komin með nóg. Allavega af drykkjunni í bili. Ég er ekki að segja að ég ætli alveg að hverfa úr 101 um helgar... Ég kíki kannski- en ég nenni ekki að drekka og verða piss full, muna síðan ekkert eftir kvöldinu og vera glerþunn daginn eftir. Rauðu freknurnar í kringum augun á mér eru víst einhvað krónískar...Og í þetta skiptið virðast þær ekki ætla að  fara. Svo einhvað í líkamanum vill fá smá hvíld.  Ég er ekki að segja að í öll hin skiptin sem ég var piss full, minnið gaf sig og ég varð gler þunn - sjái ég einhvað eftir því - Nei því fer fjarri. Sum þessara kvölda verða ávallt í minningunni, ja þ.e. allavega minningin um að það var gaman...en að sjálfsögðu ekki atburðir kvöldsins því þeir vilja oft gleymast í öllum látunum....
Nú held ég ætti að farað stoppa þar sem ég held að ég sé farin að skrifa einhvað sem enginn botnar í... En þið sem ætlið að vera í bænum á Verzlunarmannahelginni ! Eigum við ekki að gera einhvað ? Ég er til í allt ! Fara kannski á laugardeginum út að borða og kíkja svo aðeins í 101 (ég edrú að sjálfsögðu) ....það er samt aldrei að vita nema líkami og hugur verði búnað fá sína djamm hvíld þá ;)
Allavega ef einhver vill gera einhvað þá vertu í bandi ;)
 
 
 
VEIT EINHVER UM BÍLAVERKSTÆÐI SEM GÆTI VERIÐ LAUST FYRIR MÁNAÐAMÓT ???

|Diljá Depp|föstudagur, júlí 23, 2004| |

Je te présente mon frère
 
Ok- Bara áður en sagan byrjar þá fekk ég bílinn minn aftur með látum fyrir 2 dögum síðan.
Bjarni hringdi í mig í gær um svona hálf sjö - sjö leitið. "Má ég skjótast á æfingu á bílnum þínum" (bíllinn minn var sko heima). Og ég einhverra hluta vegna leifði honum það en sé stórlega eftir því núna. Ég kom heim um níu leitið og við Tryggvi ætluðum að fara í 10 bíó og auðvitað var bjarni ekki búin að skila bílnum fyrir 10. Ég hringdi í hann og spurði hvar hann væri og hvort hann væri ekki að koma (ég lánaði honum bara bílinn á æfingu!!!!-hversu löng getur hún verið? 4 klst.???)   ... En nei nei þá var hann í keflavík að horfa á leik- hafði sem sagt farið á bílnum mínum, með ónýtt púströrið til keflavíkur og laug því að mér að hann væri að fara á æfingu. Ef hann bróðir minn er ekki sjálfselskasti maður sem ég þekki því það er ekki nóg með þetta.  Ég og Tryggvi þurftum að fara á hans bíl í bíó og þurftum auðvitað aftur start til að komast heim - En nei Bjarni hafði verið svo bitur þegar við skiptum aftur um bíla að hann neitaði að hafa einhvað sem ég ætti í bílnum sínum, þ.m.t. startkaplana. - Svo við gátum ekki fengið start. Tryggvi samt náði að tala Bjarna til og ég faldi mig á meðan þeir störtuðu bílnum. Síðan förum við bara heim og einhvað og ég hafði ekki einu sinni geð í mér að biðja hann um lyklana, hélt hann hefði nú vit á því að nú væri hann ekki lengur með bílinn í láni. En NEI - Hann fór á bílnum mínum í vinnuna í morgun og er auðvitað að vinna til 6-7 og Díses ég er sko brjáluð. Ég þarf að mæta í vinnu kl.þrjú ? Ég held að bróðir minn hann Bjarni sé með baun fyrir heila. Nú er mamma komin heim í hádegismatnum til að gefa mér start svo ég geti farið og sótt bílinn minn upp í ríki til Bjarna. Svo ég verð að hætta !
 
p.s.Ég átta mig á að þetta er ábyggilega mjög leiðinlega og niðurdrepandi saga svona út á við, en sko sjit stundum þarf að hella úr reiðiskálunum og það fæ ég ekki að gera annars staðar en hér.

|Diljá Depp|þriðjudagur, júlí 20, 2004| |

HEIMSENDI TAKK !

Ég er sko búin að fá meira en nóg af helv. druslunni hans bróður míns. Já rafgeymir alternativur og einhvað rugl. Það er bókstaflega ekkert í lagi í þessum bíl og Bjarni bara neitar að gera við hann af því að ég er á honum. Þess má til gamans geta að hann keyrir í staðinn lúxus kerruna mína sem er einum 3 árum yngri með stærri vél(sem virkar), og gengur einsog klukkan á hverjum einasta morgni. Því má líka bæta við að eftir að bróðir minn fékk umsjá með bílnum mínum er búið að rispa alla hægri hliðina með lykli eða einhverju og pústið er ónýtt - Svo er hann að rífa sig yfir því að rafgeymirinn sé ónýtur í hans bíl (Rafgeymirinn í hans bíl var orðinn ónýtur þegar ég tók við bílnum)...
Já og nú er ég komin með nóg af því að gefa druslunni start á hverjum einasta morgni og á hverju einasta kvöldi og stundum oftar. Þannig að ég segi bara :"Bjarni, farðu og hoppaðu uppí þitt feitasta ég vil fá bílinn minn aftur núna eða strax !!!"

Heyrðið ég talaði við hann í gær og sagði honum að ég vildi skifta aftur en hann sagði bara nei ! - Hvað í andskotanum á ég að gera? Kæfann í svefni og stinga af ?

|Diljá Depp|fimmtudagur, júlí 15, 2004| |

Ég er að spá í að hætta með Johnny !!!

Kveðja
Mrs. Diljá Depp

|Diljá Depp|miðvikudagur, júlí 14, 2004| |

ÉG VAR Í SUMARFRÍI !!!

Ég hef ekki verið iðin við að blogga upp á síðkastið þar sem tölvan mín fór í viðgerð og síðan nokkrum dögum seinna fór ég í viku sumarfrí. Svo ég hef góða afsökun !!!
Þetta var flott frí, en ég náði lítið að slappa af í því. Sumarfríið var frá mánudegi til sunnudags og á þeim tíma fór ég á svona 5 fillerí, keyrði vestur á Arnarstapa, Ólafsvík,Akranes og austur á Gullfoss og Geysi og ég veit ekki hvað og hvað. Við gengum í Rauðfelldargjá og skundaði á tjúttið í 101 Rvk. Tók á því þar bæði föstudag og laugardag - Bærinn var nú hálf tómur bæði kvöldin svo ég brá út af vananum og fór bara frekar snemma heim báða daga...
Tók einhverjar myndir af þessu öllu en ekkert margar, set kannski inn einhverjar þegar tölvar mín kemur aftur...
En allavega ég er komin aftur í menninguna og ætla að halda áfram að vinna ;)
Eru allir að fara einhvað um verzlunarmannahelgina ? Ætlar einhver að vera í bænum ?

|Diljá Depp|mánudagur, júlí 12, 2004| |

Svo erum við að gera grín að heimsku Bandaríkjamanna!!!
Ég var að vinna uppí bíó í kvöld (fyrri og seinni). Þetta var reyndar ekki alveg hefðbundin vakt þar sem ég fékk eiginlega alveg frí frá miðasölunni frá svona hálf átta og alveg þangað til 20 mín í 11, þ.e. alveg þangað til ég þurfti að gera upp. Í þessu "fríi" var ég hins vegar að setja saman King Arthur standa, tvö stykki og kunnugir vita að það getur tekið þó nokkurn tíma að setja saman eitt stykki stærðarinnar stand. Þetta er svona frekar hefðbundinn standur neðst er svona Undirstaðan (einsog t.d. á shrek) síðan er einhvað spjald á bak við og fíkúrur uppá undirstöðunni. En nei nei hvað haldiði ? Þegar ég var ný búin að gera undirstöðupallinn á seinni standinum kemur hlé og ég ætlaði að nota tímann til að hlaupa inn í myndbönd og sækja restina af standinum... En NEEEEEEIIII - Ég er komin svona 10 skref í burtu þegar ég heyri þvílíka brak og bresti- já og hvað haldiði ? Það var einhver krakki (ca 8 ára) sem hafði bara tekið sig til og hlammað bossanum sínum á standinn !!! - Ég snéri mér við og reyndi að vera ekki reið (sem tókst ekki...)þegar ég sagði "Það má ekki sitja á þessu" Það sem hafði verið - undirstöðupallurinn var orðin ein klessa á gólfinu og eiginlega hefði ekki geta verið meir beiglaður !!! Greiið strákurinn sem var svona vitlaus sagði miður sín "Ég hélt þetta væri bekkur !!!".... Ég veit nú ekki hvernig er heima hjá honum... en heima hjá mér eru húsgögnin ekki samsett úr pappaspjöldum !!! En jæja þetta hófst allt saman eftir að ég hafði tape-að svona GRILLJÓn önnur pappaspjöld inní undirstöðurnar svo þær mundu nú halda einhverju...

En nú í þessum skrifuðu orðum er ég að átta mig á því að ábyggilega helmingurinn af ykkur sem les þetta hefur ekki hugmynd um hvað ég er að tala, við þennan helming segi ég "Aðalatriðið er að strákurinn hélt að smá pappagrind væri bekkur og ákvað að setjast á þennan "bekk" með þeim afleiðingum að "bekkurinn" féll allur saman, strákurinn endaði á gólfinu og þurfti að gera við "pappagrindina""

Heyrðu hvað er ég að tala um "helmingurinn af ykkur sem les þetta..." ... Ég held það lesi enginn bloggið mitt lengur (Surprise !?!) og í ljósi þess er ég að spá í að hætta að blogga. Allavega þangað til ég byrja aftur í skólanum. En þetta er enn bara pæling...

p.s. Ég verð bara að þakka gömlum viðskiptavinum fyrir að vita ekki alltaf nafnið á myndunum sem þeir eru að fara á. Þá er ég t.d. að tala um þá sem ætluðu að fá miða á myndirnar "COMING SOON", "shaking liberty" (Chasing liberty), "Heitt Kakó" (Hidalgo) og "Didda frænda" (Brother bear).
Þið gerið lífið skemmtilegra !!!

|Diljá Depp|föstudagur, júlí 02, 2004| |